話說早排俾我遇上一個武林高手。
因為驚被滅門既關係，所以我咁遲先分享LEE個故事。
阿先生50歲左右，身材肥胖地中海型。
阿太太就on99，成日左望右望，瘦瘦地滅絕師奶型。
佢地無訂台，Weekend Walkin入黎要台。
咁好不幸地，我只係淨番一張近門口既牆邊位。
點知一坐低。
太太就黑起個西面黎。
同佢老公話度牆阻住佢食野。
氣功師父：下！係咩！等我試試！
其實我真係唔知可以試乜9? ？
點知⋯⋯
先生就洗出唔知邊個門派既瘋狂鐵手肘，
起勢咁快速地用佢既手肘狂撞我地度牆⋯⋯
最好笑既係度牆後面有客，有個細Window可以望出黎⋯⋯
佢地個個都O撚哂以為個阿叔發羊吊或者乜撚野事。
我見到佢撞得咁起勁，我真係非常鳩縮。
點L知佢會唔會鐵手肘我或者打鳩我⋯⋯
幸好，上天憐憫我，突然有一台客走⋯⋯
不過好On9地係個半corner位，
姐係有一個位係要靠牆，另外一邊無。
我就好有禮貌咁請呀氣功師父去睇下佢個新位啦⋯⋯
一去到⋯⋯
阿太又嘈：下！咪又係有度牆阻住哂！
氣功師父：我要坐個我手肘點唔到牆既位！如果唔係我會好辛苦嫁！
屌！阿師父你梗係辛苦啦！岩岩起勢咁撞⋯唔爆缸都要死埋一兩面偷笑啦！
我：對唔住呀先生，我地暫時真係得番LEE兩張台。
氣功師父：好！（阿師父好有氣勢咁坐低左⋯⋯）
咁阿氣功師父都嗨嗨地既，坐左個無牆既位，
由得阿師太好唔開心咁坐有牆果邊⋯⋯
阿師太的功夫都好廢下，弱弱雞雞地撞下個牆⋯⋯表示不滿。
由於師太功夫無乜料到，
所以我生命應該無威脅，我就無再跟進啦。
Any肥，
師父！我陰莖你！
Search